舊區唐樓

又一次遊走舊區，好喜歡見到這類低層舊樓，可能跟自少都是住唐樓板間房長大；衛生態環

境又差；但總覺種鄰里關係、那時的簡單生活給予的愉快，非現在能比的；所以每見到這舊

樓，總給我一份懷念！

舊區

當日，影完重修後金壁輝煌的黃大仙祠後，飲罐汽水，覺得意尤未盡，馬上轉車到深水再

影；其實這個地方當年常到，但又很陌生，從未細味過；只記得那碗美味的油渣麵，每次都

要吃兩碗才可以；

港鐵長沙灣出口，沒有高樓大廈，好一個藍天白雲；

兩層高廣東式的騎樓，已難覓見，你看那二樓跟三樓，層低跟地舖一樣高；

賣麵的老店，不買包裝不花巧，全是真材實料，見到有不少人幫襯；

一個天線陣，看到我都 O 晒嘴！

鳳凰木

近來發現屋企附近有很多鮮紅艷麗的花出現 (其實每年都有的，只是自己未有察覺)，這是繼

木棉花後又一四處盛放的常見花；前幾日見一有棵樹的紅花開始轉淡，眼見這一棵重咁鮮

艷，唔好等啦，影低先啦，唔係遲少少呀無咁靚啦；

不過影完後，都唔知係乜花，馬上去搵Blog友求救；好彩Blog友 Candy 姐一眼已睇出呢棵係鳳

凰木，唔係都唔知點算，係度要多謝 Candy姐 教我！

所謂在家靠父母，出外靠朋友；呢句真係無錯架！

棵樹離天橋都有段距離，所以影唔到大特寫！

新玩具

節衣宿食幾個月後，雖然都未儲夠錢去買呢枝鏡，不過見佢好似越黎越貴，而且今日去開相

熟鋪頭見到有現貨，呢枝野重不停同我招手，叫我帶佢返屋企；各位都知我心腸比較軟，而

且大家都咁有緣，一於私自決定帶走佢啦；

小小白，我地終於係一起啦，不過呢一刻大少奶面口都黑晒，點都好，我唔會唔理你架，我

等緊你同我擦出火花；

不過我都知呢個私下決定，會繼續令我下半年都要知慳識儉，無淡好食！

通菜炒豬肉

今日行過街市，見到通菜又平又正，更諗起好耐無食過，當然買返扎返去食下，一於腐乳通

菜肉片；

第一次炒通菜，過火左少少，攪到太熟唔爽口，不過味道剛剛好，下次再加隻辣椒仔去炒，應該重好味！

黃大仙

影完「皇帝族譜」後，食個麵包即去近近地既黃大仙影下相先，其實我都有成廿年無入過去

架啦；有時我都覺得自己係唔係移左民既香港人，點解可以咁多地方可以咁耐都唔去，或直

情無去過，我真係要檢討下自己；

大門前已同我記憶好唔同，無晒阿婆買香燭；解籤檔都唔知去晒邊度；

跟住落去既景像，同我以前完全唔同；

果剎那，我有少少由火星登陸地球感覺；

放眼所見，又真係國內人比香港人多，我去左邊呀，好彩重有後要高樓大廈，唔係我真係會

迷失；

我記得呢個「國泰民安」大鐘係由建廟時已傳落黎，好有歷史價值；

以前我同朋友黎都會上香後去求籤、解籤，從來都無細心睇過；不過我肯定，廿幾年前一定

無而家咁靚，跪拜求籤地方亦比現在大上一倍以上；

好似當時天氣一樣，變化太多，我有點迷茫！