團年飯

今日係年三十晚，在此祝各位新年快樂，喜氣洋洋，

身體健康，心想事成，財源廣進；

日日都笑口常開，一團和氣。

我公司年廿九已開始放假，諗住多兩日時間去執屋整野，

尋日重休休閒閒咁慢慢整下野又打下機；

今日計劃應該好輕鬆咁攪掂D手尾，

點知今朝由十點開始整神檯再去拜祖先已攪到我成四點，

跟住吸塵拖地後又要買餸準備今晚果餐，

中間重要走上走落去街市買幾次野；

今日真係辛苦過返工多多聲，由朝做到晚，

攪到而家腰骨都赤赤痛，

所以是日團年飯都簡單為主。

一陣都要摺衫，洗碗，貼揮春，先有得沖涼；

記住，呢D野全部要十二點前完成，

重有一點要記住，千其唔好問我點解大少奶唔做要我做，

因為佢係「大少奶」，明白未！