2013年10月20日 星期日

我和潮州有個約會







一直以來食潮州「打冷」就多,也有很多朋友是潮州人士,亦知潮州地理位置是很近福建,但就一直未去過;

今次的跟隨大隊去潮州的原因都係兩日兩夜近近地去行下;晚上七點係落馬州集合,心諗去到都係十一點,重可以同成班人去路邊宵夜,尋回那種失去的風味;

點知原來潮州係咁遠,九點幾十點先去到汕尾,成十二點幾先去到汕頭堂晚入住既酒店;咁夜都係食個杯麵訓啦,唔同佢地落街宵夜 (好彩無去,玩人宵夜宵到成四點先返酒店)!

今次行程主要係影下人像同風景,講真影人像我一隻手都數得出,今次係第二次;而難得呢班人入面又有好多高手係度,當然要偷師學下光線點運用;




 

 

 

 

 

 

 


影下人像當然要影下人民小品,可能潮州真係無飛機又無火車到,旅行團又唔多,所以呢度村民都比較熱情,拎起部相機任影都得;















根據原來行程第二日我地係在湖州附近既景點影下山影下石就食午飯返深圳,點知發起人話有個靚景可以去,但要座兩個多鐘車去到同褔建接壤既地方;當時我心諗唔係玩到咁大呀,座兩個鐘車去,又要座返幾多粒鐘先返到深圳;心裡面需然唔係好願意,但基於小數服從多數既遊戲規則,只好早上六點半起床食早餐上車;

係兩個多鐘訓下醒下的情況下終於到達呢個全國最大既八角型土樓「道韻樓」;我心諗咪又係一座名大個實既土樓,都係諗住隨手幾張就算,點知……













原來呢個係寶呢架,呢度除左地方大之外,亦唔會好似其他土樓咁四處都叫你買記念品,連搵間商品買罐汽水都無;基本上成座「道韻樓」比我地三十幾個人包場玩晒,

係廣場影左一陣就上土樓上面睇下乜環境,點知上到去時已聽到領隊叫我地集合要趕車返去,唔係呀,座成兩個鐘車黎,影左一陣就走,再睇下錶,原來係廣場已影左成個幾鐘,只好快影兩張就算;

回程返落馬州個七個幾鐘車,成班人都話原來好野真係最後先出場,重話會跟住再組團去多次呢個土樓。


























15 則留言:

  1. 回覆
    1. 尋尋覓覓,只要有心總會再遇到。

      刪除
  2. 哈哈!
    兜兜轉轉,又看到「三哥」的網誌。
    山水有相逢,信焉!

    回覆刪除
    回覆
    1. 來來去去,大家都聚返埋,哈哈哈!

      刪除
  3. 潮妹靚女少..
    哈哈..你好嗎?
    又見面..**

    回覆刪除
  4. 祝你 心想事成 馬年快樂 馬到功成!!

    回覆刪除
  5. Ming明你好,

    SeeWide特搜網是一個全新互動生活分享平台,集齊各地遊山玩水好去處及講玩講食,讓大家分享不同生活體驗

    你的網誌十分切合我們網站的主題,內容及相片也很有質素,請問可否讓我們轉載網誌內的相片及內容?(會注明出處及不作改動)

    我們的目的,是盡力網羅優質的相片及內容,建立一個講玩講生活的平台,並分享給一眾志同道合的網友

    希望你能成為我們平台的一份子,助我們更有效地集結不同好玩好食之處!

    另外,我們設有「稿費」制度,文章獲得本地瀏覽量,即可兌換稿費!

    迎新推廣,每100本地瀏覽量,可獲高達HK$1稿費;我們亦可以你的名義,將稿費捐到香港宣明會,或你指定的慈善機構
    詳情可參閱:http://www.seewide.com/space.php?do=help&essay_id=22#001
    如有任何查詢, 歡迎電郵至: info@seewide.com

    回覆刪除