前日中午接到個電話，來電顯示是大陸號碼，
我成日都要返大陸工作，又唔知邊個搵我啦，
佢出聲第一句呀講：
我：「你係邊個呀？」
(嘩！我係大陸都識好多個會講廣東話，點知你係邊個，不過聽把聲好似我一個當年出黎玩個老死。)
我：「阿恆呀？聽日月尾要計糧喎，應該唔得閒呀。」
對方：「我轉左新電話號碼，之前果個無用架啦，你以後搵我打呢個號碼得架啦。」
(果時我扭親隻手去緊睇跌打，都無心情理佢。)
我：「OK，知道啦！」
對方：「唔得閒下次先再搵你食飯啦。」
到左尋日朝早趕住返工果時，果個 "阿恆" 又打電話比我；
我：「我而家係屋企囉，剛剛想出門口。」
對方：「我有件事想你幫幫手呀。」
對方：「我尋晚係深圳卡拉OK同朋友飲酒，點知飲大左同人打交打傷左人，而家比人拉左係公安局呀！」
我：「唔係呀，又打交，你成日都飲多呀打交。」(我個朋友真係試過幾次飲多打交。)
我：「我趕住返去計糧，行唔開喎！」
對方：「咁你入落去我朋友戶口，等佢拎錢救我呀。」
隔左唔夠半分鐘已收到信息，電話都幾乎同時嚮起。
對方：「你收到信息未呀？」
我：「農業銀行我入唔到喎！」
對方：「你去對換店入呀得架啦，我朋友好快會收到架啦！」
(果時我開始有疑問？點解佢講講下野有大陸音，佢係土生土長香港人黎果喎；自己都開始有D醒。)
我老友話，你唔好信呀，而家好多呢種騙局架，我係大陸都收過，而家香港都有呀，你千期唔好信呀，有事我大陸識咁多人，幾時先會搵到你呀！
同公司班人講返，佢地話而家好興呢種騙局，而且我呢種成日上大陸做野果D好易中招！
各位，小心、小心！
當時一..
當時一頭霧水，原來咁呃人。