今日假期，大少奶不左，又係兩個訓到十二點先起，
原來一個 M記餐成廿幾蚊，我買兩碗粥 +油炸鬼又成廿蚊，
加起黎成五十幾蚊，唔怪得 d人嘈物價太貴，
睇呢都要早少少起身煮早餐先得，健康又慳錢；
(不過首先要訓練佢兩個唔好揀飲擇食先)---呢點好重要！
------------------------------------------------------------------------------
今日破晒自己記錄，連續第三日煮晚飯，
是日晚餐：
清炒菜心，尋日食剩果半斤，$5
煎鹽焗雞翼，平安夜買果兩磅食剩果半，$15
煎午餐肉，半年前買啤酒送，$0
原來好無風無浪又平靜咁的晚餐，但中午去大埔海濱公園影完相後，
大少姐打電話比我，話想去新開果間一田行下，
諗住行下睇睇有乜平野，(而家先知米貴)
點知d人多到好似唔係錢咁，我以為有米派添；
行唔夠五分鐘我倆都想走時，大少姐話想食魚生，
我叫佢自由拎盒走啦，咁多人，點知......
排完隊比錢先知成 6X元，下...咁細盒咁貴，
攪到今晚呢餐完全起超支，
下次去食自助餐一定要食返魚生夠本先得。
-
白果魚神
依家樣樣野都好貴，Ｄ錢唔知去哂邊度呢 ！回覆 -
小三
大埔平d播，我屋企附近d魚蛋要六蚊五粒，而荃灣有d要七蚊才有交易回覆 -
島耕作
哈哈,大小姐一笑值千金,唔可以咁計架.回覆 -
Angel
我真係比你笑死，跟住你揾食真係唔錯，但大前題要係你找數。回覆
